ڈینیئل پرل قتل کیس: سپریم کورٹ کا احمد عمر شیخ سمیت زیر حراست افراد کو سرکاری ریسٹ ہاؤس منتقل کرنے اور دیگر سہولیات فراہم کرنے کا حکم

February 2, 2021 4:17 pm by Web Desk


  • شہزاد ملک
  • بی بی سی اردو ڈاٹ کام، اسلام آباد

ڈینیئل پرل، امریکی صحافی

سپریم کورٹ نے امریکی صحافی ڈینیئل پرل کے قتل کے مقدمے میں زیرِ حراست افراد کو فوری طور پر ڈیتھ سیل (سزائے موت کے قید خانے) سے نکال کر جیل کی عام بیرک میں منتقل کرنے کا حکم دیا ہے۔

منگل کو عدالت نے اپنے حکم میں کہا ہے کہ ان زیرِ حراست افراد کو اگلے دو روز میں جیل کی عام بیرک سے کسی سرکاری ریسٹ ہاؤس میں رکھا جائے جہاں پر ان کے اہلخانہ بھی ان کے ہمراہ صبح آٹھ بجے سے شام پانچ بجے تک رہ سکیں گے۔ زیر حراست افراد ان دنوں کراچی کی جیل میں قید ہیں۔

سپریم کورٹ کے حکمنامے کے مطابق جس سرکاری ریسٹ ہاؤس میں زیر حراست افراد کو رکھا جائے گا وہاں پر سکیورٹی سخت کی جائے اور زیر حراست افراد کو ٹیلی فون اور انٹرنیٹ کی سہولتیں فراہم نہ کی جائیں۔

منگل کے روز یہ حکم جسٹس عمر عطا بندیال کی سربراہی میں سپریم کورٹ کے تین رکنی بینچ نے دیا ہے۔



Source link


Previouse Post :«

Next Post : »

Leave a Reply

Your email address will not be published. Required fields are marked *